Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    أقوال مأثورة للأب والأم المصرية !!!

    شاطر
    avatar
    Admin
    Admin

    عدد المساهمات : 131
    تاريخ التسجيل : 05/11/2010
    العمر : 28

    أقوال مأثورة للأب والأم المصرية !!!

    مُساهمة من طرف Admin في السبت ديسمبر 04, 2010 4:32 pm

    يتميز الأب المصري و تتميز الأم المصرية بأقوال فريدة من نوعها ,,, يعني مينفعش حد يقولها غيرهم وطبعا الأقوال دي موجهة لحضرتك ,,, فبمنتهى الهدوء و من غير كسوف إختار الجمل اللي سمعتها بنفسك من والدك أو والدتك

    نبتدي على بركة الله ,,,




    جتها نيلة الى عايزة خلف تيجى تتفرج


    امشى جاتك مشش فى ركبك



    ذاكر ياموكوس مش فالح غير فى الهيافه والكلام الفاضى


    هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه


    كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة


    هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)


    أوعا حد يضحك عليك ويقولك جرب السيجارة دي


    ابقى ورينى مين حينفعك فى الاخر من شوية الصيع الى انت مشيلى وراهم


    قوم اقرا لك كلمتين ينفعوك


    ياريتك تحفظ دروسك زى مانت حافظ الاغانى


    لو شفت خناقه ما لكش دعوة بيها


    كريم دا عيل بايظ وماتمشيش معاه تاني "معلش يا كريم"


    قومي ساعدي امك ده اللي هيتجوزك أمه داعية عليه


    يا ابني حرام عليك الى بتعمله فينا ده


    انا سايبالكوا البيت وماشية ومش حتشوفوا وشي تاني


    لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا


    وانت فاكر احنا مستنيين منك حاجه


    المسلسل مش هينفعك ...قوم


    كفايه رغي في التليفونات


    كل على مهلك .. وامضغ كويس ... وما تكلش وانت واقف .. وكل من قدامك ما تحفش


    بلاش تمشى حافى البس شبشب وانته داخل الحمام


    ما فيش مذاكرة على المزيكا .. وازاى بتذاكر و البتاع ده شغال جنبك


    افرد ظهرك


    لم شراباتك


    ماتكلش فى ضوفرك


    كنت فين لحد دلوقتى يا صايع


    انا مش عارف انته طالع لمين


    مووو لمـا يــــــخدك



    ده منظر اودة بني آدم ، انت عايش فيها ازاي؟


    هو انا الخدامه الى ابوكم جبهلكم .


    الى يطلع من الاوضه يطفى النور وراه


    أبوك عندك أهو اتصرف معاه


    لو مش فاهم حاجه ارفع ايدك و قول للأستاذ مش فاهم .. متتكسفش


    البس فنله قطن تحت ودفي سدرك ودخل التيشرت في بنطلون البيجامه وانته نايم


    يأبنى المذاكره مابتخلصش .... نفسى اشوفك مره ماسك كتاب


    قالب ليلك نهارك طول الليل صاحى وطول النهار نايم
    طبعاً ما حضرتش ولا محاضرة ولا سكشن , وطول اليوم صايع بره البيت


    مالكش دعوة بالسياسة .. وماتمشيش في مظاهرات .و امشي جنب الحيط ... اقولك شق الحيطة وامشي جواها


    احمد ربنا الاكل الى مش عجبك ده فى ناس مش لقينه


    هأقطم رقبتك أو هأقطع ايدك أو هأقطع لك لسانك أو هأدبحك دبح


    قومي سخني الأكل لأخوكي


    ابوكم كان دايم بيطلع الاول على الفصل... لما كلهم كده امال مين الى بيطلع الاخير


    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض



    avatar
    mohamed khalifa

    عدد المساهمات : 143
    تاريخ التسجيل : 23/11/2010
    العمر : 26

    رد: أقوال مأثورة للأب والأم المصرية !!!

    مُساهمة من طرف mohamed khalifa في السبت ديسمبر 04, 2010 4:42 pm

    كنت فين لحد دلوقتى يا صايع
    دة امى بس طبعا مش بغضب يعنى

    أبوك عندك أهو اتصرف معاه
    امى بردة ههههههههههه

    وانت فاكر احنا مستنيين منك حاجه



    قوم اقرا لك كلمتين ينفعوك

    كوووووووووووول الكلام دة امى بتقولهولى تخيلوا
    بس ابويا الحمد لله بيشترى دماغة وبنقضيها انا وهو هزار ولالالالالا كانه ابويا

    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: أقوال مأثورة للأب والأم المصرية !!!

    مُساهمة من طرف بحر الاحزان في السبت ديسمبر 04, 2010 10:36 pm

    هو ده كما هو مذكور في القاموس المصري
    avatar
    mohamed khalifa

    عدد المساهمات : 143
    تاريخ التسجيل : 23/11/2010
    العمر : 26

    رد: أقوال مأثورة للأب والأم المصرية !!!

    مُساهمة من طرف mohamed khalifa في الأحد ديسمبر 05, 2010 2:40 pm

    هههههههههههههههههه
    شوفت بقى
    بس فى ناس بتعامل ولادها كانهم عبيد
    بس بصراحة
    انا برفع القبعة لابويا
    ملقتش قبعة فانحنيتلة تقديرا
    ههههههههه
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: أقوال مأثورة للأب والأم المصرية !!!

    مُساهمة من طرف بحر الاحزان في الأحد ديسمبر 05, 2010 3:20 pm

    يا ولدد يا مؤدب Very Happy
    avatar
    habeba

    عدد المساهمات : 142
    تاريخ التسجيل : 28/11/2010
    العمر : 26

    رد: أقوال مأثورة للأب والأم المصرية !!!

    مُساهمة من طرف habeba في الثلاثاء ديسمبر 14, 2010 6:16 pm

    افردى ضهرك"ماما"
    انا مش عارفه انت طالعه لمين"ماما"
    بابا قدامك روحى اتصرفى معاه"ماما"
    كفاية رغى فى التليفونات"برده ماما"
    اما بابا فانا باصعب عليه بس مش دايما علشان بعض الاحيان بحب اعاند فى الحالة دى بيتفق هو وماما عليا وفى الحالة دى لامفر من الخضوع لرغبته م
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: أقوال مأثورة للأب والأم المصرية !!!

    مُساهمة من طرف MONA EL TAHER في الخميس يناير 13, 2011 1:06 am

    كفايه رغي في التليفونات( ماما طبعا)
    ما فيش مذاكرة على المزيكا .. وازاى بتذاكر و البتاع ده شغال جنبك ( الى يطلع من الاوضه يطفى النور وراه( ماما اكيد
    لكن بابا مش بيحب يزعلنى شايف ان ماما قايمه بالدور وزياده

      الوقت/التاريخ الآن هو السبت نوفمبر 18, 2017 9:42 pm