Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    محمد علاء مبارك

    شاطر
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 26

    محمد علاء مبارك

    مُساهمة من طرف islam luxor في الأربعاء فبراير 16, 2011 3:13 pm



    رسالة من محمد علاء مبارك الي عائلته"مقال كتبه محمد المصري ونشره عبر بروفيله الشخصي علي الفيس بوك ولاقي قراءة كبيرة من زوار الفيس بوك". ومضمونه كالاتي:
    "ازيك يامامي وحشتيني اوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني قوي. يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلوا الجنة قولتلهم مصريين! قالو ايوة دول شهداء كمان يامحمد جريت بسرعة معاهم اشوف الشهداء اللي من بلدي واسلم عليهم وافتخر بيهم وكل يوم... بييجي شهداء تانيين ولما كثروا قوي يامامي وزادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين.
    روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتوا ازاي وفين ؟؟؟؟
    وجدو عمل اية في اللي قتلكوا! ولما بكيت لأول مرة لأن الجنة مافيهاش حزين قالولي لا مش إسرائيل ده رصاص مصري يامحمد حراس جدك هما اللي قتلونا.. لقتني مش فاهم حاجة صرخت وقلت مش عاوز اسمع حاجة وجريت وروحت قعدت لوحدي لكن الشهداء جم وقالولى متبكيش يامحمد انت ملكش ذنب وخدوني في حضنهم وطبطبوا عليا حسيت بدفء حضنك يامامي وهما بيضموني في صدرهم، رفعت رأسي وقلتلهم: انتوا طيبين اوي. قالولى مش احنا بس اللي طيبين كل المصريين طيبين.
    يامامي انا مش هأسال حصل إية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ماأنا مت كل ام حاسة بي دلوقتي وقوليله لاني انا مخاصمه ازاي هان عليه كل الناس دي ومعملش حاجة للي قتلهم قوليله لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انه خلاص مبقاش ينفع يبقي رئيسها بعد اللي حصل.جدو لازم يرتاح في بيته ويسيب مصر لاولادها هما اولي بيها وانا هدعيله ربنا يغفر له.
    وقبل مااخلص كلامي يامامي اهم حاجة والكلام ده لبابي وعمو جمال وجدو حق المصريين لمصر وللمصريين وخدته اوعوا يابابي انا بحبكواومقدرش اشوفكوا شايلين زنب زي ده اوعوا تغرقوا وتعيشوا منه بقية حياتكوا.اوعي ياباباي اخويا الصغير يأكل ويعيش ويتربي بمال مش من حقه وفيه مصريين كتير مش لاقيين..ساعتها تبقي كثير عليا افارق اخويا دنيا واخره لانه لازم يتربي بمال حلال عشان اقابله في يوم في الجنة وقول لجدو وتيتةوعمو جمال وطنط خديجة: ان الجنة حلوة قوي احلي من اي حاجة ولا اي مليارات مش حلال تستاهل تضحوا بالجنة عشانها دا ربنا بيسأل عن كل جنيه كسبته ازاي وصرفته في اية والسلام عليكم ياعيلتي اللي بحبها والسلام تحية أهل الجنة.

    avatar
    عاشق بلا حبيبه

    عدد المساهمات : 150
    تاريخ التسجيل : 27/11/2010
    العمر : 26
    الموقع : على البحر

    رد: محمد علاء مبارك

    مُساهمة من طرف عاشق بلا حبيبه في الخميس فبراير 17, 2011 10:59 am

    انا مع كل ماهو مكتوب ولكن الكاتب وضع نفسه وتخيل ما يقال فى الجنة وهذا شى لا يقبله عقل ولا دين

      الوقت/التاريخ الآن هو الخميس أبريل 26, 2018 5:54 am