Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    مصر البشاير

    شاطر
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 26

    مصر البشاير

    مُساهمة من طرف islam luxor في الخميس فبراير 10, 2011 11:12 pm

    في الثوره 25 يناير


    مين اللي يِنْسَى مصر البشاير في الثَّوْره خمسه وْعشرين يناير؟!

    تُشرُق بهمسه حُرَّه مآنسه
    من التوانسه ونيلها ثاير
    يغلي بنار الثوار حراير
    بامطار تليّل ع الجور ستاير

    ماشا الله خمسه وعَلَمْها طاير
    في إدين تلامذه وشبابها ساير
    والنسر صحَّى الجموع وضحَّى
    بيقول بفرْحه: "دانا اللي طاير"

    مين اللي يِنْسَى مصر البشاير في الثوره خمسه وْعشرين يناير؟!

    حالِف في قِــبْلي .. وبـَحَري داير:
    "لــتِنْكِتِــبْـلي .. حالَّه الضفاير"
    والدم ساقي عزْم السواقي
    والشعْب باقي والطاغي غاير

    شعب المقابر لَوْ قام لُو دِيّه
    في سجون عنابر أحلام عادِيّه!!
    هيعيش وصابر لَوْ لُه قضِيَّه
    وجاع ونام حتَّى ع الحصاير

    مين اللي ينسَى مصر البشاير في الثوره خمسه وْعشرين يناير؟!

    منهوبه روحنا ثرَواتنا نوحْنا
    مالنا وطموحنا تحت البصاير
    دي عصابه كارثه لوَطَــنّا وارثه
    بتخونَّا وِتْــ ..بِيعنا نَساير

    دي الخانسه .. صِبْرِت علي الخساير
    عصور وقِدْرِت علَى كُلّ جاير
    وتارها تارنا ربَّك فَطَرنا
    ناخد قَدَرنا م اللي يعاير

    مين اللي ينسَى مصر البشاير في الثوره خمسه وْعشرين يناير؟!

    نَــبُّوت وسُل ورصاص وذُل
    والموت لكُلّ تفكير مُغاير!
    دا الظلْم سوء مهْما يسوق
    سوقُه فْ ميدان الكرامه باير

    قتل الخليقه أكبر الكباير
    حُكَّام جريئه بس ع السراير
    واللي ما بِــيْـــ..شوفوش الحريقه
    يبقو الحقيقه عُمْي وْضراير

    مين اللي ينسَى مصر البشاير في الثوره خمسه وْعشرين يناير؟!

    (حَدَّاد) فَتَح م الكِفاح شكاير
    شــيِّد بو (بيرَم) وِ(جاهين) عماير
    والكون نَزَف فَن .. شِعْر وأدب عَن
    الحقّ والحُريّـه أصْل الـمَعاير

    يامصر يامُّ العلوم ذخاير
    والحِكْمَه والفكر والمناير
    الشعب ليكي هُوّا واليكي
    وجُنْد يـِحْميكي م اللي غاير

    مين اللي ينسَى مصر البشاير .. في الثوره خمسه وْعشرين يناير؟!

    وِوطن سامِعْها في ماجميعها
    وبماوجِعْها يسْري وْيِساير
    يا شعوب يا وِحْده إيه السلاح ده؟!
    انتفاضه واحده تِـحْيِي الضماير!

    من الكويت نمشي للجزاير
    من غير حواجز بين العشاير
    والشعب جَدِّد الرُّوح .. وهَدِّد
    هوَّا اللي بــيْحَدِّد المصاير

    مين اللي يِنْسَى مصر البشاير؟

    ????
    زائر

    رد: مصر البشاير

    مُساهمة من طرف ???? في السبت فبراير 12, 2011 2:12 pm

    ايه الجمال دا
    بجد قصيدة جميلة تسلم يا اسلام
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 26

    رد: مصر البشاير

    مُساهمة من طرف islam luxor في الأحد فبراير 13, 2011 10:02 am

    بشكرك يا اسماء علي مرورك الجميل
    avatar
    شموع هادئه

    عدد المساهمات : 174
    تاريخ التسجيل : 10/11/2010

    رد: مصر البشاير

    مُساهمة من طرف شموع هادئه في الأحد فبراير 13, 2011 10:12 am

    جميل يااسلام ربنا يوفقك ان شاء الله
    منتظرين منك كل جديد

      الوقت/التاريخ الآن هو الثلاثاء سبتمبر 26, 2017 9:16 am