Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    قصيده دا شعب فقرى

    شاطر
    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 27
    الموقع : luxor

    قصيده دا شعب فقرى

    مُساهمة من طرف 7OBA_MH في الثلاثاء فبراير 08, 2011 9:32 pm

    قصيدة دا شعب فقرى للشاعر احمد فؤاد نجم
    يصف فيها احمدفؤاد نجم مطالب شعب وشباب مصر بالتغيير بعد ثورة 25 يناير


    نظرا لأن النعمة فاقت حدها


    ولأننا مش قدها

    ولأن فعلا انجازاتك

    فوق طاقتنا نعدها

    ولأننا غرقنا في جمايل

    مستحيل حنردها

    نستحلفك ……. نسترحمك

    نستعطفك …….نستكرمك

    ترحمنا من طلعة جنابك حبتين

    عايزين نجرب خلقة تانية

    ولو يومين

    اسمع بقى

    إحنا زهقنا من النعيم

    ونفسنا في يومين شقا

    عايزين نجرب الاضطهاد

    ونعوم ونغرق في الفساد

    بيني وبينك حضرتك

    دا شعب فقرى مايستحقش جنتك

    أنا عارفه شعب ماينفعوش

    إلا شارون وبلير وبوش

    عايز يجرب الامتهان

    ويعيش عميل للأمريكان

    بيمد ‘غازه’ لإسرائيل

    ويومين كمان ويمد نيل

    أهو يعنى نشرب ميه واحدة

    ندوب في بعض

    ماء وماء وماء

    ونفض سيرة الانتماء

    وبلاها نعرة وطنطنة

    تبقى البلاد ‘مستوطنة ‘

    متسلطنة بالسرطنة

    إيه اللي خدناه م الكرامة والإباء

    حبة خطب وكلام…كلام

    إحنا راهننا على النظام

    ورضينا بخيار السلام

    بخيار حنسد عين الشمس بيه

    علشان مايطلعش النهار

    ويطلع لمين؟

    حبة معارضة مغرضين؟

    وحسب بيان السلطة

    شلة مأجورين؟

    ياعم فضك سيرة

    وارضى بقسمتك

    دا شعب مش فاهم أكيد

    يلا اطرده من رحمتك

    وإن كنت غاوي الحكم

    خليك مطرحك

    حاغطس واقب وأعود

    بشعب يريحك

    راضى وعمره مايجرحك

    أخرس ومايسمعش

    وأعميلك عينيه

    مش كل قرش يبص فيه

    مايقولش لأه، وفين، وليه

    يضرب ينفض في السليم

    وعلى الصراط المستقيم

    كل اللي يعرف ينطقه

    عاش الزعيم

    يحيا الزعيم
    المصدر



    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 27
    الموقع : luxor

    رد: قصيده دا شعب فقرى

    مُساهمة من طرف 7OBA_MH في الثلاثاء فبراير 08, 2011 9:33 pm

    رغم ان انا مش بحب الراجل ده بس القصيده دى حلوه اوى
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: قصيده دا شعب فقرى

    مُساهمة من طرف بحر الاحزان في الثلاثاء فبراير 08, 2011 9:42 pm

    جميله خااااااالص وكناية راائعه

    تسلم ايدك يا حوبة لاختيارك الاكثر من راائع
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: قصيده دا شعب فقرى

    مُساهمة من طرف MONA EL TAHER في الثلاثاء فبراير 08, 2011 9:46 pm

    مش بتحبيه ليه مهو راجل كويس اهو بيقول كلام معقول ومنطقى

      الوقت/التاريخ الآن هو الإثنين يونيو 25, 2018 8:06 am