Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    مبارك يعنى الحكمه

    شاطر
    avatar
    zedan2011

    عدد المساهمات : 495
    تاريخ التسجيل : 31/12/2010
    العمر : 27
    الموقع : هاي كوره

    مبارك يعنى الحكمه

    مُساهمة من طرف zedan2011 في السبت فبراير 05, 2011 5:03 pm

    مبارك يعنى الحكمه وصبر وعزم بقوه تهد جبال
    مصر بلدنا الله يحميها عمر ماليها فى قالنا وقال
    كلنا اصل ومن يومنا راجالى فى كل الازميات
    احنا القوميه العريبه ده المصرى فى كل الاحول
    مبارك يعنى الحكمه وصبر وعزم بقوه تهد جبال
    مصر بلدنا الله يحميها عمر ماليها فى قالنا وقال
    كلنا اصل ومن يومنا راجالى فى كل الازميات
    احنا القوميه العريبه ده المصرى فى كل الاحول
    مصر بتعرف تحمى تربها واللى قرب يوم هيشوف
    مصر الصوت وسور بشرى
    عمره مادق قلوبها الخوف
    كلنا واحد حقى وحقك احنا والادها المصرين
    احنا حضارة كل الدنيا واللى مشافش بعينه يشوف
    مبارك يا يعنى الحكمه وصبر وعزم بقوه تهد جبال
    مصر بلدنا الله يحميها عمره ماليها فى قالنا وقال
    كلنا اصل ومن يومنا راجالى فى كل الازميات
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: مبارك يعنى الحكمه

    مُساهمة من طرف بحر الاحزان في السبت فبراير 05, 2011 8:28 pm

    مبارك مين ياعم ده كفاية انه خلانا شعب جاهل والفقر والبطاله اسكت يا زيدان اسكت
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في السبت فبراير 05, 2011 8:41 pm

    والله هنتبهدل من بعده ومش هنلاقى زيوا تااااااااانى

    ????
    زائر

    رد: مبارك يعنى الحكمه

    مُساهمة من طرف ???? في السبت فبراير 05, 2011 9:02 pm

    بلاش شعارات يا منى
    وخلينا واقعين هو سياسى كويس ماشى بس سياسى خارجى ولكن داخلى
    كان سايبها لحبة حرمية واولهم ابنه الى مصطفى بكرى جاب بلاوى عليه
    وهو اظن الى صدر الغاز لاسرائيل وعمل حاجات كتير بلاش نظهر تعاطفنا كتير
    وبعدين مش هنلاقى ليه ما فى ف مصر ناس اشراف كتير امال لما يموت كنا هنعمل ايه يعنى
    لو كنا ساكتين فعلشان استقرار البلد ولانه خلاص ماشى
    avatar
    zedan2011

    عدد المساهمات : 495
    تاريخ التسجيل : 31/12/2010
    العمر : 27
    الموقع : هاي كوره

    رد: مبارك يعنى الحكمه

    مُساهمة من طرف zedan2011 في السبت فبراير 05, 2011 9:20 pm

    عارفه يا مني انا اتمنى اني انام القي 10 سنين ماضيه وشوف الشعب بقي ايه
    الشعب المصري عايز نابليون جديد وحديث والله وقتها هيقول فين ايام حسني مبارك
    نفسنا في يوم من ايام مبارك
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: مبارك يعنى الحكمه

    مُساهمة من طرف بحر الاحزان في السبت فبراير 05, 2011 9:27 pm

    يا سبحان الله مع ان كانت اغلبيت الناس كانت مقيدة ومؤيدة جمال مبارك دلوقتي اتاكدتو وضميركم استيقظ هو ده اللي انا كنت بتكلم عليه من زمان والله والواحد كان هيفقد الامل في انه يلاقي ضمير كويس ...الدنيا كلها مش بقيت ماشيه غير بالرشاوي ومن وانا صغير ولما جيت اطلع رخصة قيادة كله شغال بالرشاوي في فلوس مصلحتك تمشي مفيش يبقي تروح هو ده النظام واللي معاه فلوس يبقي هو الكبير وهو ده اللي فعلوه رجال الاعمال زي احمد عز وغيره وبقيو تبع الحكومة مع انها لا يصلحو بس الفلوس بتغير وبتعمل كتير مصر دي بلد رجال الاعمال ..

    تعالو نتحدث ونشوف ماذا فعل مبارك ونقارن بينه وبين الرؤساء السابقين ك جمال عبد الناصر وانور السادات
    جمال رجعلنا سيناء وقال ما اخذ بالقوة لا يسترد الا بالقوة وجعلنا احرار وبنا السد العالي شاريين مصر وامم قناة السويس ورفض الخضوع للفرنسيين والالمان وقال انه ما بيتهددش
    ونذكر من اعمال انور السادات شجاعته الباذلة ومعاهدة السلام لمنع الحروب وكان قيادي سياسي ناجح
    فلننظر لمبارك ماذا فعل املاك الدولة بتتصدر للآعدائنا كالغاز واحنا المصريين محرومنين منه
    الفقر والجهل والبطالة من اساس دولة لها شعبيتها علي مستوي التاريخ
    مصر دي بلد الرجال الاعمال فقط وليس لناس الغلابة والطيبين وكل اللي موجود في مصرمن استثمار
    واذا كنت انا غلطان فعاتبوني لاني نظرتي لبلدي اختلفت جداا عن ما كنت اتمني Sad
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في السبت فبراير 05, 2011 10:28 pm

    طيب تقدر ترشحلى رئيس مكانه غير عمر سليمان
    انته ذكرت لجمال عبد الناصر بس نسيت النكسه
    وذكرت لسادات بس نسيت اللحوم الفاسده والأمراض الخطيره
    ايلى لسه لحد دلوقتى الشعب مش قادر يتخلص منها
    انا مش بدافع عن مبارك بس كلمه حق محدش حيجى بعده ويقدر على اعباء مصر
    اسمى انا مش بقول شعارات انا اول واحده لوحسيت ان مستقبلى فى خطر هنا
    والبلد حتمسكها الأخوان همشى ومش هقعد فيها
    علشان كده زعلانه على مبارك
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: مبارك يعنى الحكمه

    مُساهمة من طرف بحر الاحزان في السبت فبراير 05, 2011 11:31 pm

    تعرفي يا مني رغم من الايام الصعبه اللي كانت علي ايام جمال عبد الناصر بس الناس كانت بتموت فيه ورغم ذالك اعترف وحمل نفسه المسئولية كاملة وطلب من الشعب انه يتنحي عن الحكم

    ورغم السادات كان صعب بس الناس كانت بتحبه

    وغم من عادل لبيب محافظ قنا السابق كان مكروه من جانب الشعب لانه كان صعب جداا بس ظبطها ونظمهم وعمل كتير في البلد والناس حبته

    لما مبارك يمسك الحكم 30 سنة من غير ما يعمل حاجه يبقي ايه انا عارف انه كويس وكتر الف خيره يا مني هو سنه دلوقتي 82 سنة هيحكم دولة زي مصر ازاي وعلي ما اعتقد انه محدش شافه من سعت اخر عملية جراحية له انا شايف لو ان مبارك وجوده في السلطة زي عدمه
    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 26
    الموقع : luxor

    رد: مبارك يعنى الحكمه

    مُساهمة من طرف 7OBA_MH في الأحد فبراير 06, 2011 10:12 am

    بصى يا منى انتى عارفه انى كنت من اكتر مؤيدين حسنى وكان نفسى ان جيمى طبعا يبقى رئيس من بعده
    لانى كنت شايفه انه موفر لنا الامان.(اه بعد ربنا طبعا)ة
    بس طبعا كان فيه شوية حاجات مش كويسه او الواحد مش كان حاسس بيها اوى لانه مش هو المسئول يعنى مش بنشترى الحاجات ونعرف ايه غلى وايه لأ
    بس حاليا انا بقول هو يمشى مش هنمشى على رأيهم)هههههه
    لان البلد خربت والامان اللى كان موفره خربه فى اسبوع
    يعنى يمكن هنا فى الاقصر وقنا مافيش خراب او خوف اوى بس قرايبنا فى القاهره مش كانوا بيناموا من الرعب
    من الآخر اللى يطلع بلطجيه من السجون على شعبه ويرعبهم ويعمل كل اللى احنا شوفناه ده.ما يستاهلش انه يحكمها دقيقه واحده بعد كده
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الأحد فبراير 06, 2011 2:59 pm

    مش فاهمينى انا مش جايه من اروبا انا عارفه كل المساوئ دى كلها وعارفه ياحوبه الرعب ايلى كانوا عايشين فى قاريبك لأن قاريبى كانوا كده وكانت الكهربه مقطوعه عليهم والبلطجيه تتجول فى الشوارع بالأسلحه لولا الشباب ايلى كانوا بيبقوا على كل برج وربنا سترها وحماهم
    وانا مع استقاله مبارك واهوالراجل مش حيترشح تانى وابنه كمان واتذل بما فيه الكفايه كفايه الرعب ايلى هو عايش فيه
    يبقى نسيبه يعيش بسلام ونختار حد مكانه
    صحيح انا منكرش انا جمال عبد الناصر زعيم بجد بس ليه وجه مظلم يعنى سياسته الخارجيه كانت ممتازه لكن فى الداخل الدنيا كانت خراب
    السادات كان متوازن فى الخراب والتنميه
    بينما مبارك هو راجل كويس بس الحاشيه ايلى كانت حواليه كانت مضيعاه كان مغيب ميعرفش حاجه عن الشعب فلذلك وقع فى شر اعماله ربنا معاه


    بس محدش رد عليا مين يبقى مكانه غير عمر سليمان

    ????
    زائر

    رد: مبارك يعنى الحكمه

    مُساهمة من طرف ???? في الأحد فبراير 06, 2011 4:39 pm

    سورى يا منى ايه السلبية الى انتى بتتكلمى بيها دى هو يعنى اما الرئيس وابنه اما مفيش رؤساء كويسين
    انتى بتقولى مين مكانه وهو كان كويس اوى يعنى ،الى حواليه هما السبب ماشى وهو كان صباعة فى بقه يعنى ولا ايه
    دا اولهم ابنه يا حبيبتى وان شاء الله هجبلك ثروتهم قد ايه فى البنوك برة دا معاه تليارات فاهمة تليار ،وناس مش قادرة تجيب فول
    مهو عبد الناصر كان رئيس خد ايه هو وعياله و قريبو
    ثانيا جمال عبد الناصر وحب الناس ليه ولما مات كانو رافضين السادات ومكانوش فاكرين ان فى حد هيجى زيه
    ومسك السادات الحكم وعمل حاجات كتير من بعده
    انا فجاة اكتشفت اننا عايشين فى عصر راسمالى مش اشتراكى ،الوزير دا معاه كام مليار دولار ،وكلهم دخلوا الوزارة بكام وطلعوا بكام
    وناس مش لاقيه تاكل انتى بتتكلمى ازاى ،انا مش ضدة ومن الاول مكنتش ضده بس ضد ابنه والتنازلات الى بيقدمها يا حلوة علشان متتفتحش عليه وعلى ابنه ،ابقى شوفى بكرى جاب كام قضية ضده جمال مبارك يعنى امال انتى فكرك ساكت ليه علشان ميتحاكمش زى غيره بس هيجى يوم عليه
    طبعا انا مش بستنكر الى عملوا والله لا طبعا ومش بقول انه يمشى لا كفاية عليه ،ومش بقول انه يتنحى بالطريقة مهينه ليه لا طبعا
    وبعدين رعب ايه الى هو فيه دا معاه حرس كتير اوى اما الرعب الى تسبب فيه لمصر كلها دا ايه والشباب الى اتقتل فى الثورة برصاص حى وليس مطاط كما يقولون دا ايه ،مش هو السبب دا حبيب العادلى ماشى مين بيراسه ،
    مش مهم الى يجى بعده يبقى كويس ولا لا المهم نكون عملنا حاجة فى حياتنا وغيرنا ،وبعدين ابسط مثال لما بتشترى جيب عجباكى اوى وبعد ما تقصر او تضيق بتقولى ياترى هلاقى زيها ،بتعملى ايه بتنزلى تدورى وتشوفى كويس لحد ما بتلاقى
    زى كدة هيكون هندور وكل رئيس مرشح يحط برنامجه واحنا الى نقرر مش مجلش الشعب الى كل اعضائه مزورين ما عادا 12 كرسى فيه بس ،مش لازم اقولك اسماء دلوقتى واظن واحنا فى الجامعة كنا بنسال نفس السؤال مين هيجى بعده ومكناش نعرف حاجة عن سليمان
    وفجاة عرفناه وعرفنا ان فى واحد بمكانته وحنكته فى العمل السياسى شفيق ايضا رجل ممتاز جدا
    ادى اتنين اهم ولسة فى ناس كتير محترمين ومنعرفش عنهم حاجة صح ولا انا غلطانه ،
    وبعدين الى بيقول مكانش هينزل الحكم قبل كدة كداب وغلطان لانه اعلن قبل كدة انه هيترشح لفترة جديدة قبل احداث 25 يناير
    وبعدين خلاص كل واحد عرف انه لو عمل اى حاجة مش هيفضل مكانه وكل واحد بقى ليه حد واحنا بقينا نتكلم ونقول راينا وبصراحة
    يابنتى اقرى جرايد هاتى المصرى اليوم انهاردة وشوفى البلاغات المقدمة ضد الحكومة الى فاتت كلها دا حاميها حراميها بداية من نظيف اخر حاجة قريتها انهاردة انه هو وهانى هلال مخصصين 120 فدان لفتح جامعة خاصة ومدينها لجمعة اسمها نظيف
    رشيد محمد رشيد وكل الوزرا ،يا شيخة دا كفاية ان الواحد كان بيتكسف يقول انه مصرى
    دلوقتى شوفى كل العالم بيتكلم عننا ازاى والمصرين والى عملوا ،طبعا انا ضدهم فى التدخل فى شؤونا
    وياريت مش نبص تحت رجلينا
    وبعدين هتمشى تروحى فين يا منى "ف العشة يا منى "هتروحى الكويت ولا اليابان قولى علشان اوصلك بالطيارة الخاصة بتاعة جمال ولا علاء اصلهم خلاص هيرجعوهلنا اصل راحت عليهم والحق هيرجع لاصحابه
    يابنوك سويسر ا عايزين فلوسنا
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الأحد فبراير 06, 2011 4:58 pm

    هههههههه براحه شويه
    انا مش سلبيه كل واحد اخطأ فى حق مصر حيتعاقب
    انا قبل الخطاب كنت بندد برحيله ومحاكمته دوليا لكن لما شوفتوا مذلول كده ومنكسر ياحرام صعب عليا
    وصعبانه عليا بلدى ايلى حتخرب وحتستعمر
    انتى سمعتى خطبه الحومينيى بتاع ايران قال ايه
    ومخططات الموساد الأسرائيلى وقطر اللهى يولع فيها بجاز
    اترعبت الناس كلها شايفين مصر جوهره سمينه وكل واحد عايز ياخد قطعه
    اما مبارك واولاده بئى حسابهم عند ربنا هو الأعلم
    ايوا صحيح الناس مكنتش عايزه السادات لكن دلوقتى شخصيته السياسيه بتدرس فى المدارس العسكريه فى امريكا وغيرها
    موضوع انك كنتى مش بتقدرى تقولى جنسيتك ده صحيح المصريين كرامتهم كانت ضايعه فى الدول العربيه والأجنبيه إلا قله يعنى
    ربنا معانا
    (هسافر الصين ياسمسوم ليا جماعه قرايبى فى السفاره هناك)
    ولا كويت ولا يابان ولا سعوديه ولا اى حاجه
    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 26
    الموقع : luxor

    رد: مبارك يعنى الحكمه

    مُساهمة من طرف 7OBA_MH في الأحد فبراير 06, 2011 5:03 pm

    ايوه يا سومه وبمناسبة الرصاص اللى متحرم دوليا ده وهو استخدمه ضد شعبه اللى صبر عليه 30 سنه
    احنا قريبنا عينه اتصفت بسبب الرصاص ده وبردوا مش هيبطل لغاية ما يمشى
    ما هو مش معقول بعد الارواح والاصابات دى كلها نستسلم تانى
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الأحد فبراير 06, 2011 5:19 pm

    طيب ياحوبه قومى بينا نمشى
    ونروح نعتصم معاهم فى ميدان التحرير
    وبعدين مافيش اغلى من الأبن الراجل عايز يسيب الحكم لأبنه علشان يصالح سوزى
    اصلها زعلانه معاه من خمس سنين قالتلوا كفايه بقى يامبارك وسيبها لجيمى قالها مش دلوقتى
    قامت مخصماه

    ????
    زائر

    رد: مبارك يعنى الحكمه

    مُساهمة من طرف ???? في الأحد فبراير 06, 2011 5:36 pm

    ههههههههههههههههههههههههه
    والله فايقة ورايقة يا منى ومكنتش اعرف يا صاحبى انك عندك قرايب فى الصين ها
    وبعدين مش معنى كلامنا دا اننا موافقين على الى بيحصل فى ميدان التحرير
    بصى الى بيحصل ناس طالعة تقول دول بيجبولهم كنتاكى وخمسين جنية
    وشباب يقول لا والله احنا بناكل شيبسى ومولتو
    وناس تقسم ان فى ناس قاعدة بالقوة ومش قادرة تطلع
    بس اعتقد ان الامور هتصلح ان شاء الله
    بس انا بنت خالتى قالتلى السرقة لسة شغاله والبلطجية مازالوا بيقتلوا ناس كتير
    ولا هى ولا جوزها قادرين ينزلوا الشغل ولا تروح لمامتها حتى الى قريبة جدا عنها
    يعنى التليفزيون المصرى جايب الحياة وردى اوى بصراحة والناس هناك مازالت خايفة
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الإثنين فبراير 07, 2011 4:27 pm

    انا بصراحه معرفش ظروف القاهره ايه بس اسكندريه جماعتنا هناك
    مازالوا حابسين نفسهم فى البيوت اولاد وبنات بس طبعا من الساعه6لساعه 7الصبح بينزلوا الشباب قدام
    بيوتهم ومقولكيش مدى الرعب والزعر ايلى كانوا عايشين فيه وقطع الكهربا وبلاوى سوده كانت بتحصل


    اه ليا ناس فى الصين والمانيا واطاليا لو تحبى تسيبى البلد وتمشي معايا

    ????
    زائر

    رد: مبارك يعنى الحكمه

    مُساهمة من طرف ???? في الثلاثاء فبراير 08, 2011 5:22 pm

    انا مسبش بلدى وامشى ابدا متقلقيش يا منى يا حبيبتى هقعد هنا ها
    وعايزة اقولك على حاجة لو كان عبد الناصر سياسى خارجى بس
    امال مين الى عمل الاصلاح الزراعى
    مين الى قضى على الاقطاع ، مين عمل السد العالى ،مين الى كان بيدى الناس فدادين من الاراضى ببلاش
    مين الى خطط للحرب وحدد كل حاجة ليها73 ، مين الى شارك فى حرب 48 خسرنا اة بس باسباب
    كل دا وتقولى سياسى خارجى
    انا عارفة انك بتحبى الحاجات العلمية بس اظن انك دراستى تاريخ هاتى كتاب 3 ثانوى وراجعيه والنبى
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الثلاثاء فبراير 08, 2011 9:03 pm

    اجيبلك كتاب تاريخ منين دلوقتى استنى السنه ايلى جايه ان شاء الله
    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 26
    الموقع : luxor

    رد: مبارك يعنى الحكمه

    مُساهمة من طرف 7OBA_MH في الثلاثاء فبراير 08, 2011 9:28 pm

    لا يا سومه عبد الناصر ده ما كنتش بحبه لأنه راجل بق
    قعد يهدد ويتوعد لاسرائيل وقعد يقول اننا عندنا وهنعمل فيهم ونسوى واقنع الشعب كله بده.
    لحد ماحصلت النكسه اللى صدمت البلد كلها بسبب انه عيشهم فى احلام حتى احنا وبنحارب كانوا بيقولو اخبار كاذبة عن الجيش مانتى اكيد حافظه ال تاريخ
    يعنى من الاخر مش بحبه لكن السادات كان راجل ما فيش منه
    وعلى فكره فى حد مره قاللى اللى يحب عبدالناصر مش ممكن هيحب السادات
    avatar
    7OBA_MH

    عدد المساهمات : 228
    تاريخ التسجيل : 31/12/2010
    العمر : 26
    الموقع : luxor

    رد: مبارك يعنى الحكمه

    مُساهمة من طرف 7OBA_MH في الثلاثاء فبراير 08, 2011 9:31 pm

    وبالنسبه لاغنية مبارك يعنى الحكمه
    المفروض تتغير وتبقى
    مبارك يعنى الازمه ودمار وخراب وحروب تهد جبال
    هههههههههههههههه
    avatar
    MONA EL TAHER

    عدد المساهمات : 376
    تاريخ التسجيل : 07/01/2011

    رد: مبارك يعنى الحكمه

    مُساهمة من طرف MONA EL TAHER في الثلاثاء فبراير 08, 2011 9:37 pm

    لالا جمال عبدالناصر كان اسد كلهم كانوا بيخافوا منه بس المعتقلات كانت مليانه بالناس الغلبانه
    وكان يأخت سومه ياصحفيه يالى عارفه تاريخ كويس كان محتكر الصحافه وموقيد الصحافين

    ????
    زائر

    رد: مبارك يعنى الحكمه

    مُساهمة من طرف ???? في الأربعاء فبراير 09, 2011 7:50 pm

    لا يا حوبة بق دى احنا عارفين انا وانتى مين الى بقوا كويس ههههههههههههه
    بس ف النكسة مش احنا ولا عبد الناصر السبب يا حوبة
    لو شوفتى راجل كدة مش فاكرة اسمه كان رئيس الوزراء ايام عبد الناصر بيقول على النكسة دى كانت مؤامرة من امريكا
    وبعدين لو كان بق مكنش وضع استراتيجيات حرب اكتوبر كلها
    وفعلا يا حوبة انا مش بفضل السادات ولكن مش بكره ، ،بس عجبتنى كلمة وجهها للعرب كان بيقول فيها
    اسماعيل ابو العرب ،وام اسماعيل ستنا هاجر وهى مصرية
    واقولها للذين يقولون ان مصر تتتنتسب للفراعنة لا بل هم من ينتسبون الينا ،واقولها للعرب جميعا نحن افضل من اى دولة عربية
    انسة منى هعرفك البيئة الصحفية علشان تحطيها ف معلوماتك
    قبل الثورة كانت الصحافة اكثر ادوات الاحزاب فاعلية فى التعبير عنها وشرح مبادئها
    بعد ذلك اخذت شكل الصراع
    مع قيام الثورة بدات الصحافة والسلطة تاخذ شكل التبعية من خلال الاجراءات الادارية ضد الصحفين والصحافة
    فى عهد السادات اطيح بعدد كبير من الصحفين والمفكرين والعلاقة كانت غير متوازنة بين السلطة والصحافة وانعدام الحوار بين الطرفين
    فى عهد مبارك خرج ناس كتير من الحبس والكلام الحلو الى كان عندنا فى الكتب ولكن ظلت الصحف القومية اداة لتبرير الحكم واعمال الحكومة فى وجهة نظرى ووجود قيود لعمل الصحافة والاعلام بصفة عامة
    يعنى فى الى مرينا بيه والصحافة مقيدة ،والى بيقول رايه كان بيروح وررا الشمس ماعدا السنين الاخيرة دى طبعا
    كان فى حرية مشروطة

      الوقت/التاريخ الآن هو السبت نوفمبر 18, 2017 9:44 pm