Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    مشكلات المذاكرة والإستعداد للإمتحان

    شاطر
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    مشكلات المذاكرة والإستعداد للإمتحان

    مُساهمة من طرف بحر الاحزان في الخميس يناير 06, 2011 10:19 am



    مشكلات المذاكرة والإستعداد للإمتحان
    * الهدف :
    1 - الوقوف على المشاكل وحلها حلول جذريه .
    2 - تعلم كيفية إدارة الوقت ووضع جدول للمذاكره .
    3 - كيفية المذاكرة السريعة والفعالة في نفس الوقت .

    * المشكلات اللي بنواجهها قبل الإمتحان :
    1 - عدم كفاية الوقت المتبقي .
    2 - رهبة الإمتحان .
    3 - التوتر .
    4 - الأرق ( أو النوم الكتير ) .
    5 - الإحباط واليأس .
    6 - الإكتئاب الكبير أو الصغير .

    * الحلول :
    1 - توفير الوقت .
    . ( flexible ) 2 - جدول المذاكرة
    3 - طريقة المذاكرة السريعة والفعالة .
    4 - عوامل هتساعدنا على التذكر .
    5 - التغلب على المشاعر السلبية .
    6 - الإكتشاف المبكر للإكتئاب الكبير والصغير .

    ****************************************************

    1 - توفير الوقت :
    : ( time wasting ) تجنبوا مضيعات الوقت
    1 - عدم وجود أهداف وخطة .
    2 - محاولة القيام بأمور كثيرة في وقت واحد ( مثلا المذاكرة مع النت .
    3
    - المقاطعات الهاتفية والموبايلات ( المفروض نبعد الموبايل عن مكان
    المذاكرة نهائيا عشان ممكن يعملinterruption وبالتالي ممكن نفقد حوالي 20 %
    من نسبة التركيز ، وبالنسبة للموبايل ممكن نرجعله في وقت ال break .

    4 - الزائرون المفاجئون .
    5
    - عدم القدرة على قول ( لأ ) ؛ لو انا ما خلصتش وذاكره وزميلي خلص وقرر
    إنه يخرج مثلا وطلب مني إني أخرج معاه لازم ترفض وتقول ( لأ ) مش هاخرج
    عشان لازم تكمل اللي عليك في المذاكرة .

    6 - التكنولوجيا ( النت والشات والفيس ) والبلاي ستيشن ..
    7
    - التسويف والتأجيل المستمر ( بمعنى إن احنا بنفضل نأجل المذاكرة لبعد
    النوم والخروج والنت وفي الآخر بنقول هنذاكر بالليل ومش بنذاكر !! ... ( لا
    تؤجل عمل اليوم إلى الغد ) .

    8 - الضوضاء . لازم نذاكر في مكان هادي عشان التركيز .
    9 - المؤثرات البصرية الملهية . زي صور الممثلين والمغنيين مثلا ، لازم نبعدها .
    10 - ترك المهام في المنتصف ( ما تقومش من على المذاكرة إلا لما تخلص الموضوع اللي بنذاكره كله ) .
    11
    - الجلوس في الكلية بدون عمل شئ مفيد ، المفروض إن احنا نبدأ ونقول
    لزمايلنا إن احنا لازم نروح عشان نذاكر ولو رفضوا روح إنت وسيبهم .

    12 - تضييع الوقت في اللبس اللي هنلبسه واحنا خارجين .

    ****************************************************
    عايزين نحسب الوقت المتبقي :
    نطرح 4 أيام ( مراجعة أول مادة في الإمتحانات ) .
    ونشوف باقي كام يوم ( بس قبل ما نقول هنعمل إيه في الأيام الباقيه لازم نكون محددين هدف يومي والهدف ده لازم يكون :
    1 - specific :
    يعني نحدد إن هنخلص من صفحة (-) لصفحة (-) أو إننا هنخلص موضوع محدد .
    2 - measurable :
    يعني لازم جزء محدد نقدر إن احنا نذاكره مش إننا نقول إني لازم أخلص جزء كبير لمجرد إنه لازم يخلص واحنا أصلا مش هنقدر نخلصه .
    3 - Achievable :
    يمكن تحقيقه ، يعني مش نقول إني هخلص الكتاب كله النهارده !!
    4 - time framed :
    يكون ليه إطار من الوقت ؛ إننا نخلص في وقت محدد .
    ****************************************************
    * جدول للمذاكرة :
    الأول هنحسب الوقت اللي بيضيع في اليوم الواحد :
    تقريبا 8 ساعات نوم ،
    ساعتين رايح جي ( خروج بره البيت ) ،
    4 ساعات في الكلية ،
    ساعة أكل وترفيه ،
    ساعة للطوارئ ( الزائرون المفاجئون ) ،
    * الوقت الضايع = 16 ساعة تقريبا ، من 24 ساعة ــ باقي 8 ساعات مذاكرة ( ده غير أيام الأجازات أو الجمعة )
    * إذا أقل وقت متاح إننا نذاكر فيه ، بس المتاح معانا وقت أكتر من كده طبعا ..
    المهم ،،،
    هنعمل جدول متكامل لكل 4 أيام مع بعض ( وحده مستقلة بذاتها )
    بحيث تنناسب عدد الساعات مع درجات المادة .
    مثال
    ( لسنه 1 مثلا ) ، هنحدد لكل ماده رقم أو تقسيمة ( نسبة من الوقت ؛ كل
    مادة على حسب درجاتها " مش أهميتها " ؛ بمعنى لو الماده اللي هنمتحنها
    عليها درجات أكبر هتاخد وفت مذاكرة أكتر ..

    وبالتالي لو طبقناها على مواد سنه 1
    histology - 1
    bio. - 2
    anatomy - 3
    phsiology - 3
    مجموع
    الأجزاء من الوقت اللي حددناها بتساوي 1+2+3+3=9 أجزاء ،،، يعني محتاجين
    نوزع الوقت المتاح للمذاكرة خلال 4 أيام (8 ساعات × 4 أيام = 32 ساعه )

    32 ساعه ÷ 9 أجزاء = نصيب الجزء ( 3 ساعات ونص )
    بس اجنا لو ماشيين في ماده عن التانيه هناخد من وقتها ونوزعه على باقي المواد اللي ما اتفتحتش .
    المهم .... المنهج المتبقي ،،، لكل مادة على حدى بالصفحات ، بمعنى :
    لو
    باقي في الأناتومي ( 105 صفحه ) ماتذاكروش ، هنقسمها على 5 ( لإننا هنذاكر
    مثلا خلال 20 يوم ؛ ال 20 يوم لو قسمناها على 4 " لإننا عاملين جدول لكل 4
    أيام " يبقى الماده هنذاكرها في 5 فترات .

    105 ( عدد صفحات الأناتومي ) ÷ 5 =21 صفحة هنذاكرها خلال ال 4 أيام .
    ال 21 صفحة ÷ 10 ساعات ونص ( عدد ساعات مذاكرة الأناتومي خلال ال 4 أيام ) = 2 ، يعني تقريبا صفحتين في الساعة .
    طبعا هتسألوا ال 10 ساعات ونص دي جت إزاي !!
    مش
    احنا قلنا إن كل ماده هتاخد جزء من الوقت بنسبة من الأرقام ، وحددنا
    للأناتومي 3 أجزاء ، والجزء الواحد حسبناه قبل كده طلع معانا ( 3 ساعات ونص
    ) ــــــــ 3×3.5=10 ساعات ونص خلال ال 4 أيام هنذاكر فيهم أناتومي ..

    وطبعا
    كل ماده هتتقسم على حدى زي ما قلنا ، يعني لو هنذاكر 60 صفحة فسيولوجي
    خلال ال20 يوم ،،، 12 صفحة خلال 4 أيام وبعد كده نقسمها على عدد الساعات
    المحددة للفسيولوجي خلال ال 4 أيام ،، يعني بمعدل صفحة في الساعة ..


    ويا رب بجد أكون عرفت أوصل لكم الطريقة ..
    المهم : لازم ناخد بالنا إننا ما نذاكرش أكتر من مادتين في اليوم الواحد ..
    ولو
    خلصنا المذاكرة ممكن نكافئ نفسنا بإننا نعمل حاجه بنحبها بس ما نضيعش فيها
    وقت كبير ، إنما لو العكس وما ذاكرناش نعاقب نفسنا بإننا نحرم نفسنا من
    الحاجه اللي بنحبها .

    ***************************************************

    * إزاي نذاكر أكبر كمية في أقل وقت ونفضل فاكرين :
    أولا :
    brain >>> 2 hemispheres
    فص أيسر : بيحب الكلمات ، الأرقام ، المنطق ، التحليل ، الترتيب ( الحاجات المجرده من الأحاسيس ) ...
    فص أيمن : بيحب التناسق ، الخيال ، الألوان ، أحلام اليقظة ، الألحان ...
    لو اتعارضوا مع بعض ، إدخال المعلومة هيبقى صعب ، عشان كده لازم يبقى في تناسق بين الفصين اليمين والشمال .
    ****************************************************
    الرسمة أو الصور في الأناتومي أو الهستولوجي ، ممكن نذاكر من خلال الرسومات ، وده هيوفر علينا وقت الحفظ ..
    ****************************************************
    الخريطة الذهنية mind map :
    شكل الخلية العصبية كانت إيحاء لفكرة الخريطة الذهنية ( مركز وطالع من فروع والفروع طالع منها فروع تانيه أصغر ، وهكذا ..
    ****************************************************
    * إذا عشان نعرف نذاكر بسرعة وندخل المعلومات بطريقة بسيطة ونراجعها ونسترجعها بسهولة :
    1 - نستخدم الفصين .
    2 - نستخدم الخريطة الذهنية .
    3 - ندخل المعلومات من خلال الصور .
    ****************************************************
    * إزاي نعمل خريطه ذهنية ؟
    1 - نجيب ورقة بيضاء كبيره ، أو ورقة من كراسة رسم كبيرة ونخليها بالعرض .
    2 - في نص الورقة نكتب الفكرة الأساسية (( رأس الموضوع )) وممكن نرسم صورة تعبر عن العنوان بدل الكلام المكتوب .
    3
    - نطلع منها الأفكار الفرعية ( ما نطلعهاش خطوط مستقيمة ، أفضل إننا نرسم
    منحنيات ونستخدم ألوان مختلفة ) وبكده بنشغل الفص اليمين .

    4 - أول فكرة فرعية هنكتبها على أول سهم فوق على يمين الورقة ، وبالنسبة لباقي الأفكار نمشي في اتجاه عقارب الساعة .
    5 - كل عنوان فرعي هنحط تحته عناوين فرعية تاني ( ويا ريت لو نعرف نعبر عن العناوين دي بصور " صورة تغني عن ألف كلمة " ) ..

    *** المفروض قبل ما نبدأ نجهز الخريطة الذهنية :
    ؛ 1 - نعملover view
    نقرأ الموضوع بشكل سريع عشان ناخد فكرة عامه عنه ونحدد العناوين الرئيسية ..
    ؛ preview 2 -
    تمهيد ، بإننا نكتب العناوين الرئيسية .
    ؛ inview - 3
    تفاصيل كل عنوان مهم .
    4 - نراجع الورقة بنفس الطريقة اللي كتبناها بيها ( نبدأ من النص وبعد كده يمين الصفحة من فوق ونمشي مع عقارب الساعة .
    بالطريقة دي إحنا ممكن نلخص ال 10 صفحات في صفحة .
    ****************************************************
    * العوامل اللي هتساعدنا على التذكر :
    1 - ترك المعاصي ؛
    " شكوت إلى وكيع سوء حفظي ،،، فأرشدني إلى ترك المعاصي
    واخبرني بأن العلم نــــــــــــور ،،، ونـور الله لا يُهدى لعاصي "
    2 - وحَد المصدر ، يعني ما نذاكرش من كذا كتاب أو ورق مع بعض .
    3 - ذاكر من العام للتفاصيل ( العنوان الأساسي وبعد كده العناوين الفرعية ) .
    4 - بإننا نستخدم أكتر من حاسة ( السمع والبصر والشم !! )
    5 - راحه لمدة 5 دقايق بعد كل 45 - 60 دقيقة ، عشان نحافظ على مستوى التركيز .
    6 - المراجعة ، الموضوع اللي بنذاكره للمرة الأولى لازم نراجعه مرة خلال 24 ساعة ، ونراجعه مرة تانية خلا إسبوع ،
    والمراجعة ممكن تكون شفوي أو تحريري أو بإننا نرسم مايند ماب رسم كروكي سريع كنوع من التسميع .
    7 - النوم الكافي ( من 6 - 8 ساعات ) وبلاش النوم المتقطع ، ممكن تنام 6 ساعات بالليل وساعتين وقت العصر .
    8 - أُحصر نفسك فيم أنت فيه ، بمعنى إنك ما تقومش من على الكتاب إلا لما تخلص الجزء اللي انت محدده .
    9 - التسميع الجماعي " إن أمكن " مع طلبة مجتهدين .
    10 - الوضع البدني واحنا بنذاكر ، لازم نفرد ظهرنا ع الكرسي ، ونذاكر واحنا قاعدين ، مش واحنا نايمين .
    11 - افتكر نجاحاتك السابقة كنوع من التحفيز .
    12 - افتكر يوم الإمتحان باستمرار .
    13 - استحضر وضعك عند النجاح . وافتكر فرحة أهلك وأصحابك بنجاحك .
    14 - كافئ نفسك لما تنجز في المذاكرة وعاقب نفسك لو قصرت .
    ****************************************************
    * عوامل ممكن تساعدنا على المذاكرة وتبعدنا عن الشعور بالإكتئاب :
    1 - ممارسة بعض التمارين الرياضية في الهواء الطلق .
    2 - الإضاءة القوية في المكان اللي بنذاكر فيه .
    3 - بلاش نلبس الوان غامقة .
    4 - الأكل ؛ الأكل لازم يكون فيه كربوهيدرات ( ما نعملش ريجيم في فترة الإمتحانات ) .
    الفيتامينات مهمه في السلطة والخضار واللحوم والبقوليات ، كمان فيتامين سي مهم في البرتقال واليوسفي ..
    ****************************************************
    * نصائح الإسبوع الأخير قبل الإمتحان :
    1 - ما تقلبش يومك في الإسبوع الأخير ( نام بالليل واصحى بالنهار ؛ عشان الإمتحان في وقت النهار ) وده مهم عشان التركيز .
    2 - اليوم اللي قبل الإمتحان نصحى بدري عشان ننام يومها بدري ونصحى يوم الإمتحان ... بدري .
    3
    - ما نختبرش نفسنا ليلة الإمتحان ولا حتى واحنا رايحين الإمتحان ( لو طرأ
    سؤال في ذهننا نفتح الكتاب ونقرأه ) ما نحاولش نفتكر الإجابه عشان لو ما
    افتكرناش ممكن تجيلنا حالة إحباط .

    4 - إختبر نفسك في يوم غير ليلة الإمتحان .
    5 - نراجع الأسئلة المهمة وطريقة الإجابة " إزاي هجاوب ، وهكتب كم نقطة في السؤال "
    ****************************************************
    * في الإمتحان :
    1 - ندعي ربنا إن ربنا يوفقنا ،، أحنا لازم ناخد بالأسباب ونتوكل على الله ..
    2 - حسن خطك ( نكتب براحه ، ونحاول واحنا بنذاكر نسمع كتابه ) .
    ****************************************************
    * أنواع الأسئلة في الإمتحانات :
    MCQ - 1
    إوعى
    تتسرع وتختار الجملة الأولى قبل ما تقرأ السؤال كامل ، لازم نقرأ السؤال
    وال 4 اختيارات أو ال 5 ، وبعدها نقرأ السؤال تاني ونختار الإجابه .

    والأفضل إن احنا ما نراجعش السؤال بعد ما نجاوب ، ولو مترددين وعندكم شك في الإجابة ، سيبوا أول إجابه اخترتوها وما تغيروهاش .
    Give account 2 -
    اكتبوا الأفكار الرئيسية في ورقة الأسئلة قبل بداية الإجابة ورتبوا الإجابة .
    enumeration 3 -
    نكتبهم زي ما هم في الكتاب .
    comparison4 -
    قبل ما نبدأ الإجابة نحدد ونرتب في دماغنا خلال نص دقيقة أوجه المقارنة بين الحاجتين .
    *#*#*#*#*#*#*#*#*#*#*#*#*#*#*#*#*#*#*#*#*#*#
    أخيرا وليس بآخر ، لا تنسونا من صالح دعائكم ..


      الوقت/التاريخ الآن هو الثلاثاء أكتوبر 17, 2017 7:43 am