Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    الامتحان قرب

    شاطر
    avatar
    zedan2011

    عدد المساهمات : 495
    تاريخ التسجيل : 31/12/2010
    العمر : 27
    الموقع : هاي كوره

    الامتحان قرب

    مُساهمة من طرف zedan2011 في الثلاثاء يناير 04, 2011 9:05 am

    [img:06ed]http://publicrelations.moontada.net/[/img]بسم الله الرحمن الرحيم

    ...

    طبعا كلنا قبل الامتحانات مفيش وقت ..
    الامتحان قرب ,,
    انا خايف ,,, مش عارف اذاكر
    طيب انا مليش نفس .. كل ما بقعد علي الكتاب بقفله
    اعمل ايه ؟؟
    طيب ,,
    مبدئيا تعالو نتكلم من ناحية دينية ..
    وقل اعملوا فسيري الله عملكم ..
    يعني بزمتك خايف من والدك او والدتك لما يزعقوا عشان تذاكر ,
    واكيد الكلام دا بيحصل لمعظمنا ... ومش خايف من ربنا لما يقولك اهملت عملك ليه ,
    هاتقولي ما خلاص يا عم .. الترم خلص
    وانا مذاكرتش من الأول وكدا هاسقط
    اقولك غلطان , اوعي تقول هاسقط غير لو الوقت فات ...
    ابدأ من دلوقتي .. ابدأ من اللحظة دي وهاتوصل انشاء الله ,,
    هابدأ بقي الخص لكم عن المحاضرة ,,
    طبعا انا حضرت فيها اجزاء كتير هالخص اهمها ,,
    وهاتكلم عنها بأسلوبي ,,,
    مع اضافات اخرى
    ..
    طبعا يا جماعة كلنا بنقعد نذاكر ونقعد علي الكتاب
    وساعات نضيع وقتنا ونقوم ناكل ونشرب .. وفي الاخر اليوم خلص
    بالنسبالنا ومذاكرناش
    وننام متضايقين اوي من نفسنا ...
    طيب ايه رأيكم ...
    لو مثلا مسكنا المادة اللي هانذاكرها ,,
    خدناها قرأة بس .. ,,
    شوفنا اللي هانذاكره اد ايه
    باب مثلا ,
    طيب نقسم الباب كام فصل ,,
    تمام ... ,
    طبعا مكان المذاكرة من اهم الحاجات اللي بتحدد قدرتنا علي الاستيعاب
    فلازم نقعد في مكان هادي ,,, تكون حاسس انك مرتاح وانت بتذاكر فيه
    يعني ايه يازيدان ؟؟

    يعني مثلا لو اوضتك مش مرتبة ,, قوم رتبها قبل ما تذاكر ..
    وشوف هل دا هيأثر عليك في المذاكرة ولا لأ ,,
    ..
    طيب يا تري واحنا بنذاكر بنستخدم ؟ او حتي الخط تحت الكلام او كومنتات
    ايه اللي انت بتقوله دا يا زيدان
    ؟ >>>> تتحط لو قطعة عليها سؤوال مثلا واجابتها تحتها .. ونشاور بسهم منها للأجابةو بتاعتها
    خط >>> تحت القطع المهمة و الكلمات اللي المفروض تركز عليها
    كومنتات >>> حاول يكون ليك تعليقات بسيطة وتكتبها علي شمال كدا جنب الصفحة .. هاتساعدك وتفتح نفسك للمذاكرة ,, وتخليك فاكر دايما الشيء اللي علمت عليه كومنت
    ملاحظة هامة جدا :
    المذاكرة علي مدار 45 دقيقة فقط
    يعني ايه يا عم روميو
    اقولكم ,, يعني طبعا فيه ناس كتير
    تقولك لأ
    انا هاقعد ساعتين او تلاتة متصلين
    انا مقولتش متذاكروش كدا ..
    بس سؤوال
    مش خلال التلات ساعات دول ,,
    كل شوية قايمين جايين .. نجيب حاجةمن المطبخ , نعمل كوباية نسكافيه
    نتكلم مع حد في البييت .. نرد علي التليفون ,, وهكذا
    وطبعا الأفضل وزي ما اثبتت البحوث ان افضل مدة يستوعب العقل فيها المعلومات
    ليأخذ راحة فترةبسيطة بعدها ,, ,هي
    45 دقيقة
    ..
    وخد بريك عشر دقائق مثلا ,
    وارجع تاني
    اه ... يا ريت البريك ميكونش تلفزيون و لا نزول تجيب حاجة من تحت
    ولا تقعد علي الترابيزة تتغدي وتقوم من علي الترابيزة اخر واحد ,, بعتبار
    ان شهيتك مفتوحة وكدا ,, لان دا بيأثر علي مذاكرتك ... .
    نصائح بقي عشان تخلي الرغبة جواك تذاكر ..
    * متحاولش تاخد محتوي كبير اوي من المادة في يوم واحد .. 200 صفحة مثلا
    كتير طبعا ,, واللي بيذاكروا من الملازم ميقولكش خلاص الامتحانات قربت
    انا هاخد النهاردة 5 او 6 ملازم ,, لانه كتير برده ,,,
    * دايما ابدأ وانت علي مذاكرتك .. وخلي عندك اصرار وعزيمة انك هاتخلص الجزء اللي حددته زي ما قولنا ,,
    * اعرف انك لو استسلمت هنا .. فانك الوحيد المسؤول عن فشلك وسقوطك
    * لا تفكر كثيرا في ضيق الوقت فلديك في اليوم 24 ساعة وبالتقريب
    لديك مدة يوم10 علي الامتحانات ,, " علي معظم الكليات " مش طب وهندسة ..,
    * متحاولش تشغل بالك وتفكر دايما في مشاكلك وانت بتذاكر ,,
    * متحطش فواصل تتعبك اثناء المذاكرة " تليفزيون .. تليفونات .. أكل لفترة طويلة " وهكذا
    * متخليش تأثير حد من صحابك عليه ,,
    يعني ايه يا زيدان؟؟
    اقولك ... يعني مثلا قررت انت تفتح انهاردة اقتصاد ,,
    جه واحد يقولك يااااه دا انا بقالي بتاع مية سنة بحاول افتح المادة دي ومش عارف
    هاتفتحها انت انهاردة ,, يا راجل قول كلام غير دا
    والكلام برده للبنات هتلاقوا صحاب اكيد بيعملوا كدا
    بس السؤوال هنا ,, هل انت زي الشخص اللي بيكلمك ؟؟
    طيب لما هو لأ ,, يبقي ليه تستسلم لكلامه .. ولا تخاف اصلا
    ويا سلام لما يكون فيه حبة شباب بيقولك .. اصل الدكتور صعب وكدا كدا هانسقط
    طبعا دا كلام فارغ ,, مش معني ان الدكتور صعب و مادة صعبة
    اننا نستسلم ,,
    فيا ريت متستسلمش لكلام حد من صحاب ,,,
    اتمني اننا من اللحظة دي ,, نقرر ان احنا منضيعش الوقت ..
    نقرر ان في ايدنا اننا ننجح اولا ..
    ونقرر ان اختيار لأ , دا مش من اختيارنا ,,
    ابدأ كل مادة بتقسيمها وتفصيلها علي اجزاء
    دا هيريحك كتير
    والمكان الهادي زي ما اتفقنا وترتيبه ونظامه ,,
    لا تتهرب من المذاكر >>>> فاهمين
    سواء بالنوم او الأكل او مشاهدة برامج تلفزيونية ...
    صدقوني ,,, لو ذاكرنا من دلوقتي حتي استحالة نسقط ..
    بس اهم حاجة نذاكر صح ,, منغير ما نخاف من الامتحان
    وبمناسبة الخوف من الامتحان
    قولولي لو سألتكم في مسلسل امبارح ,, او اخر فيلم دخلته سينما
    او حتي كارتون بتحب تتابعه ... هاتفتكره ولا لأ ... ولو سألتك فيه هاتجاوب ولا لأ ؟؟
    اكيد رد اكيد فاكر واقدر اجاوبك ,,
    طيب عارف دا ليه ؟؟ عارفة دا ليه ؟؟؟
    لاننا بنتفرج علي التلفزيون او مسلسل او اي حاجة
    واحنا مش خايفين وعارفين ان محدش هايمتحنا فيها ,,,,
    بنقعد نتفرج عليه واحنا بالنا مش مشغول غير بالمسلسل مثلا
    وبنكون مركزين ,,
    فتعالوا نعتبر مذاكرتنا .. احلي مسلسل .. واجمل فيلم .. واروع قصة
    ومننساش نقراها في اجمل مكان ,,
    وهايكون احسن انسان اللي يقدر يذاكر بدون استسلام ...
    وفي النهاية .. اتمني اكون فدتكم ,,
    لان في الغالب انا حاولت اجيب معظم حاجات اتعلمتها
    دراساتي في علم النفس والتنمية البشرية
    ( ويا رب كلنا ننجح انشاء الله السنة دي )
    ملحوظة : موضوع كتبته الترم السابق ..

    والسلام مسك ختام
    avatar
    zedan2011

    عدد المساهمات : 495
    تاريخ التسجيل : 31/12/2010
    العمر : 27
    الموقع : هاي كوره

    رد: الامتحان قرب

    مُساهمة من طرف zedan2011 في الثلاثاء يناير 04, 2011 9:44 am

    [img:bffe]http://publicrelations.moontada.net/[/img]
    أرق القلوب قلب يخشى الله ، وأعذب الكلام ذكر الله ،
    وأطهر حب الحب في الله

    (قال إبليس: أهلكت بني آدم بالذنوب وأهلكوني بالاستغفار وبـ (لا إله إلا الله..

    قبورنا تبنى ونحن ما تبنا ياليتنا تبنا من قبل أن تبنى
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 26

    رد: الامتحان قرب

    مُساهمة من طرف islam luxor في الثلاثاء يناير 04, 2011 11:42 pm

    بوب يا زيدان بس خلاص الوقت عدي علي دة كلة باقي خلاص اسبوع وتمتحن

      الوقت/التاريخ الآن هو الإثنين ديسمبر 18, 2017 5:17 am